7 клас Беларуская літаратура

Тэма: Паэзія ў прозе і проза ў паэзіі
1) Знаёмства з артыкулам падручніка і асэнсаванне матэрыялу
2) Кантроль ведаў
3) Д/з
Прачытаць твор З. Бядулі "Шчасце не ў золаце"


Тэма: З. Бядуля "Шчасце не ў золаце"
1) Асэнсаванне твора

1. Над чым прымусіў вас задумацца гэты твор?

2. Што яднае твор «Шчасце не ў золаце» з апавяданнем? Пры адказе звярніце ўвагу на празаічную мову, сюжэт, герояў (дзяўчына і паніч), дыялог.

3. Якому віду мастацкай творчасці ўласцівы паэтычныя выразы: бялізну кужэльную, валасы русыя, песні дзявочыя, стады багатыя, коні дарагія, наяўнасць рыфмы і рытмічнае гучанне, калі асобныя выказванні можна запісаць у такім выглядзе:

4.Ці можна назваць твор «Шчасце не ў золаце» вершам у прозе? Абгрунтуйце свой адказ.

2) Кантроль ведаў

3) Д/з
Міні-сачыненне ”Ці лічу я сябе шчаслівым чалавекам?”


Тэма: М. Танк "Дрэвы паміраюць". А. Разанаў "У парку"
1) Аналіз вершаў
№1. Якія думкі выклікае ў кожнага з вас гэты верш, пачуцці?
№2. Выпішыце вобразна-выяўленчыя сродкі. Размяжуйце іх, калі ласка, згодна з азначэннем.
 (метафара, увасабленне, афарызм). 
№3.Знайдзіце падтэкст у вершаваных радках, запішыце яго
2) Кантроль ведаў
3) Д/з
Верш  М. Танка "Дрэвы паміраюць" на памяць

Тэма: Мастацкая літаратура і навука. Цётка "Шануйце роднае слова"
1) Знаёмства з артыкулам падручніка і асэнсаванне матэрыялу

1.      Выберы азначэнне, якое дапасуецца да паняцця “публіцыстыка”:

а.       Творы, у якіх адлюстроўваюцца штодзенныя або выключныя падзеі жыцця чалавека

б.       Творы на самыя розныя тэмы жыцця грамадства

в.       Творы аб рэальных падзеях жыцця або цікавых людзях. Яны друкуюцца ў газетах, часопісах, перадаюцца па электроннай почце.

2. Прачытай урывак з артыкула Цёткі:

         Бедны той,хто, апрача грошай, апрача багацця, каторае пры першым няшчасці счэзне дазвання, не мае скарбаў вечных – скарбаў душы. Такі скарб, каторы ніхто і ніколі адабраць ад нас не здолее, гэта любоў да бацькаўшчыны, да свайго народа, да роднай мовы, - гэта вялікае мілаванне чалавека – слабага, пакрыўджанага…

         Але поруч з любоўю да сваіх братоў патрэбна яшчэ нешта, што злучае людзей у суцэльны народ, - гэта родная мова.

         Яна, быццам цэмент, звязвае людзей. Яна дае ім найлепшы спосаб разумець адзін аднаго, адной думкай жыць, адной долі шукаць. Хто адрокся мовы бацькоў сваіх, хто ўздзеў чужую апратку – той адышоў ад народа далёка-далёка. Ён чужы ў роднай вёсцы, у сваёй сям’і. І на яго браты глядзяць, як на чужынца…

Выпішыце прыклады тропаў:

Эпітэты………

Параўнанне……

Метафара………

3. Для чаго найперш выкарыстоўваюцца прыёмы і сродкі мастацкай літаратуры ў артыкуле Цёткі і наогул у публіцыстыцы?

а.   Каб стварыць маляўнічую карціну жыцця

б.   Каб больш пераканаўча выказаць думку

в.  Каб абудзіць пачуцці ў людзей

4. Паразважайце над некаторымі думкамі, выказанымі ў публіцыстычным артыкуле Цёткі.

         Родная мова, быццам цэмент, звязвае людзей.

         Адракаюцца ад яе найперш тыя, хто атрымаў адукацыб, - дзеля кар’еры, каб мець пашану ў чужых.

         Моладзь павінна “мець смеласць усюды голасна казаць – па-свайму”, развіваць родную мову.

         Якія меркаванні Цёткі падаліся табе вельмі важнымі для сучаснага грамадства? Абгрунтуйце сваю думку.

2)  Д/з
С. 168, пыт. 1-2